Date:

Share:

Rutaremara: Twagiramungu ntabwo yari umwanzi

Related Articles

Tito Rutaremara yemeje ko nyakwigendera Faustin Twagiramungu wabaye Minisitiri w’Intebe w’u Rwanda nyuma ya Jenoside yakorewe Abatutsi  akaza kwitama Imana tariki 02 Ukuboza 2023 aguye i Buruseli mu Bubiligi atari umwanzi.

Ibi Tito yabitangaje mu Kiganiro na Kigali Today aho yagarutse ku buzima bwa Nyakwigendera n’urugendo rwe muri politike.

Twagiramungu witabye Imana afite imyaka 78 y’amavuko akomoka mu cyahoze ari Komini Gishoma, Perefegitura ya Cyangugu, ubu akaba ari mu Karere ka Rusizi mu Ntara y’Iburengerazuba.

Tito Rutaremara avuga ko yiganye na Faustin Twagiramungu muri Collège Saint André, i Kigali i Nyamirambo mbere yo kwerekeza i y’ubuhungiro.

Yabajijwe ati “Mbere ya byose urupfu rwa Twagiramungu rukubwiye iki?”

Mu gusubizo Tito yatanze yagaragaje ko Nyakwigendera abona atari umwanzi w’igihugu ahubwo abona yari uwo bahanganye.

Yagize ati “Jye ntabwo nifuza ko umuntu apfa, nta wifuriza umuntu ko yapfa, [Twagiramungu] ntabwo yari umwanzi ahubwo yari ’adversaire’(uwo muhanganye) ariko nubwo yaba umwanzi ntabwo wifuza ko umuntu apfa, nubwo yatuvugaga nabi ntadukunde.
(Twagiramungu) twabanye muri Saint André, ariko urumva ni kera twari abana.”

Kuri Tito abona Nyakwigendera Twagiramungu yazanwa mu Rwanda agashyingurwa iwabo i Cyangugu.

Kugeza ubu nta makuru ahari avuga ku cyateye urupfu rwe kandi na gahunda yaho azashyingurwa ntirajya hanze.

LEAVE A REPLY

Please enter your comment!
Please enter your name here

Popular Articles