Date:

Share:

Mutobo: Minisitiri Musabyimana yihanangirije umugabo utahuka akongera gusubira Congo

Related Articles

Minisitiri w’Ubutegetsi bw’Igihugu Jean Claude Musabyimana yihanangirije umugabo umaze gutahuka inshuro eshatu agenda asubira mu mashyamba ya Repubulika Iharanira Demokarasi ya Congo.

Ni ibyagarutsweho mu muhango wo gusezerera abari abasirikari n’abafite aho bahuriye n’imitwe y’inyeshyamba ikorera mu burasirazuba bwa Congo no mu majyepfo yayo bari mu cyiciro cya 71 bangana na 55, i Motobo mu Karere ka Musanze.

Mu ijambo rye muri uyu muhango wo kubasubiza mu buzima busanzwe, Minisitiri Musabyimana yatangaje ko hari ikibazo kidasanzwe (case yihariye) cy’umugabo utaha okongera agasubira mu mashyamba ya Congo.

“Muri iki cyiciro cya 71 twabonye cas [ikibazo] idasanzwe. Umwe muri mwe uza agasubirayo, akagaruka agasubirayo. Tumaze kumwakira hano inshuro eshatu. Ava hano agasubirayo muri Congo akongera akagaruka, akongera agasubirayo. Twizeye ko noneho  ari ubwa nyuma avayo, sibyo?. Uwo mugabo rwose ndakeka umaze kuba umugabo, nizere ko utazongera gusubirayo.”

“Guhora mu nzira ugenda ugaruka, ugira amahirwe kuba ugaruka uri muzima. Ishyamba warijyamo wagize ibyago ariko ntabwo wakwikora ngo uve muri uru Rwanda rusa gutya, ufate inzira ugende ujye kuba hariya rwose. Ndakeka nta wundi tuzongera kubona ujya muri ibyo ngibyo.”

Amakuru ava muri iki kigo cya Mutobo avuga ko hari abantu babiri, mu bihumbi birenga 14 by’abamaze gusubizwa mu buzima busanzwe baciye Mutobo, batorotse bagasubira mu mashyamba.

LEAVE A REPLY

Please enter your comment!
Please enter your name here

Popular Articles