Date:

Share:

Urwanda rwitandukanije n’ibisasu byatewe i Burundi

Related Articles

Guverinoma yatangaje ko u Rwanda nta ruhari rwagize mu bisasu byatewe i Bujumbura tariki ya 10 Gicurasi 2024 rugaragaza ko ari ukurushyira mu matiku.

Umuvugizi wa Polisi y’u Burundi na Minisiteri y’Umutekano w’Imbere, Pierre Nkurikiye, batangaje ko abantu 38 ari bo bakomeretse, ndetse iki gihugu gishinja u Rwanda kukigiramo uruhare.

Mu itangazo Guverinoma y’u Rwanda yashyize hanze kuri iki Cyumweru tariki 12 Gicurasi 2024, yavuze ko “u Burundi budakwiriye kuvanga u Rwanda mu bibazo byabwo by’imbere mu gihugu.”

Iri tangazo rikomeza rivuga ko “mu bigaragara mu Burundi hari ikibazo kigeze aho Guverinoma yabwo ishinja u Rwanda uruhare mu iturika rya grenade rihurutse kuba i Bujumbura, ibintu tudafite aho duhuriye nabyo na gato ndetse tudafite n’impamvu yo kujyamo. u Burundi bufite ikibazo k’u Rwanda ariko nta kibazo twe dufitanye n’u Burundi.”

U Rwanda rwakomeje “rusaba u Burundi gukemura ibibazo byabwo by’imbere mu gihugu ndetse no kutazana u Rwanda muri ayo matiku.”

Amakuru avuga ko gerenade imwe yatewe ku bagenzi bari batonze umurongo muri iyi gare mu masaha ya saa moya n’igice y’umugoroba wa tariki ya 10 Gicurasi 2024. Indi yatewe hafi y’ikigo cy’abapolisi bashinzwe kurinda inzego zo mu Burundi.

Mu bantu 38 bakomerekeye muri iki gitero harimo batanu bakomeretse bikabije gusa u Burundi buvuga ko nta n’umwe wapfuye.

LEAVE A REPLY

Please enter your comment!
Please enter your name here

Popular Articles