Date:

Share:

RDC: Urubyiruko rwatangiye kwinjira mu gisirikari

Related Articles

Itsinda rya mbere ry’urubyiruko rushaka kujya mu gisirikari ku bushake ryakiriwe rishimirwa icyemezo bafashe cyo kurinda ubusugire bw’igihugu cyabo.

Tariki ya 7 Ugushyingo 2022 nibwo itsinda ry’abinjira mu ngabo za Repubulika Iharanira Demokarasi Congo (RDC) ryakiriwe.

Ni urubyiruko rwaturutse muri Kivu y’Amajyepfo berekeza  ku birindiro by’ingabo za FARDC biri I Kamina  muri Haut-Lomami baciye mu mujyi wa Goma.

Mbere yo guhaguruka bashimiwe kandi bahabwa ikaze ka Guverineri wa Kivu y’Amajyepfo abashimira icyemezo bafashe cyo kurinda ubusugire bw’igihugu cyabo.

Radio Okapi ivuga ko bose intero bafite ari uko umunsi umwe bagomba kurwanirira agace kabo kakabona amahoro.

Nubwo nta mubare w’abayobotse imyitozo watangajwe hari abasubijwe inyuma kubera bafite imyaka mike nabo bari babukereye.

Abana b’abakobwa 2 n’abahungu 39 batujuje imyaka y’ubukure bo ntabwo bahawe amahirwe.

Ni mu gihe mu bice bimwe by’iki gihugu umutekano wabuze hahora intambara z’urudaca zitewe n’imitwe irenga 100 ikorera mu mashyamba ya Congo.

LEAVE A REPLY

Please enter your comment!
Please enter your name here

Popular Articles