Date:

Share:

Tito Rutaremera: Tshisekedi mu mayira abiri yo ‘gufata Kigali akica Kagame’

Related Articles

Umuyobozi w’Urwego Ngishwanama rw’Inararibonye z’u Rwanda, Tito Rutaremera, yemeje ko Perezida Felix Tshisekedi ubu ari mu mayira abiri atazi niba azakomeza kurwanya inyeshyamba za M23 cyangwa agakomeza umugambi wo “gufata Kigali akica Perezida Paul Kagame.”

Mu butumwa Tito Rutaremera yanyujije kuri Twitter yahindutse X yasobanuye ko Felix Tshisekedi yasuye u Rwanda ngo agire ibyo yiga nyuma yo kubona iterambere ryarwo ariko akaza guhindura izindi nzira zirimo gusebya no kuvuga u Rwanda nabi.

Yagize ati “Felix Tshisekedi ubu ari muri ‘dilemma’ [mu gihirahiro] ntazi niba azakomeza kurwanya u Rwanda (na M23 yaramunaniye) agafata Kigali-akica Perezida Kagame nkuko abiririmba hirya no hino.”

“u Rwanda rwivanye mu ngorane nyinshi ruriyubaka rutera imbere; rwabera CONGO (DRC) urugero rwiza, nicyo gituma Tshisekedi yaje mu Rwanda akaganira n’abayobozi b’u Rwanda ndetse bemeranya gukorera hamwe ibintu byinshi.”

Iyi nararibonye muri politike yo mu karere yakomeje avuga ko ” Tshisekedi agenda hose avuga nabi u Rwanda ndetse arusha abandi bose; kuko we yafata Kigali akica Perezida Kagame, ikibazo cy’u Rwanda kikaba kirangiye.”

Ku rundi ruhande Rutaremara ashima abayobozi b’u Rwanda ko ari abahanga ashingiye kukuba birinda guterana amagambo nawe.

Ati “Kwihanganira kuvugwa nabi, gutukwa buri gihe; bikorwa n’abadashoboye kandi badashobotse ntugire icyo ukora ni ubutwari nk’ubundi.”

Umuvugizi w’Ingabo z’u Rwanda Brig Gen Ronald Rwivanga aherutse gutangaza ko RDF yiteguye  intambara ya Perezida Félix Tshisekedi wa Repubulika Iharanira Demokarasi ya Congo ahora yigamba ko ashaka kugaba ibitero ku Rwanda.

Mu kiganiro Brig Gen Rwivanga yagiranye na Danny Ntayombya cyitwa  ‘The Long Form’ yemeje ko ingabo z’u Rwanda ziteguye intambara nta kibazo zifite.

Yagize ati “Ndasubirisha ikibazo cya politiki igisubizo cya gisirikare. Turiteguye. Kandi n’ubusanzwe duhora twiteguye. Nta gishya ku kwitegura kwacu.”

Ni  ubutumwa bwasubizaga amagambo ya Tshisekedi wavuze ko ashaka gusaba inteko ishinga amategeko ko yamuha uruhushya agatangiza intambara ku Rwanda.

Yagize ati “Ngiye gusaba inteko ishinga amategeko impe ububasha bwo gushora intambara ku Rwanda. Mubwire Kagame ko njye ntameze nk’abandi ba Perezida bayoboye RDC yakundaga gukina nabo.”

Nyuma y’amagambo akarishye yavugaga arimo kwiyamamaza nta kindi arongera kuvuga ku Rwanda nyuma y’amatora.

RDC: Perezida Félix Tshisekedi niwe watsinze amatora

LEAVE A REPLY

Please enter your comment!
Please enter your name here

Popular Articles