Date:

Share:

Uburundi bwafunze imipaka ibuhuza n’u Rwanda

Related Articles

Uburundi bwafunze imipaka yose ibuhuza n’u Rwanda nyuma yaho umubano w’ibihugu byombi wongeye kuzamo agatotsi.

Mu ijambo risoza umwaka wa 2023 nibwo Perezida Evariste Ndayishimiye yaciye amarenga ko ashobora gufunga imipaka ihuza igihugu cye n’u Rwanda nyuma yo kurushinja gufasha umutwe wa RED Tabara.

Ni ibirego u Rwanda rwateye utwatsi, rugaragaza ko nta shingiro bifite, dore ko n’ibice RED Tabara yanyuzemo itera u Burundi, ntaho bihuriye n’u Rwanda.

Ni umwanzuro wafashwe na Guverinoma y’u Burundi gusa nta tangazo rirajya hanze hanze rivuga impamvu y’iri funga.

IGIHE gitangaza ko imipaka yose ihuza u Burundi n’u Rwanda yafunzwe guhera saa saba z’amanywa kuri uyu wa Kane tariki 11 Mutarama 2024.

Bamwe mu banyarwanda bagerageje kwambuka bajya i Burundi bavuga ko yabwiye bageragayo bagasubizwa inyuma.

Imipaka y’u Burundi n’u Rwanda yaherukaga gufungwa hagati ya 2015 na 2021.

Kuva icyo gihe ibihugu byombi byiyemeje kuzahura umubano ariko u Burundi bugatsimbarara ko bukeneye abashinjwa guhirika ubutegetsi bwa Pierre Nkurunziza bahungiye mu Rwanda.

U Rwanda rwemeza ko bihabanye n’amategeko mpuzamahanga agenga impunzi.

LEAVE A REPLY

Please enter your comment!
Please enter your name here

Popular Articles