Date:

Share:

Rubavu: Ahishakiye wishwe n’umuvundo mu kwamamaza Kagame yashyinguwe

Related Articles

Kuri uyu wa Kabiri tariki ya 25 Kamena 2024 nibwo Ahishakiye Mutoni waguye mu muvundo wabaye nyuma y’ibikorwa by’Umuryango FPR byo kwiyamamaza yashyinguwe ku irimbi rusange rya Rugerero.

Ni umuhango witabiriwe n’abayobozi batandukanye barimo na Senateri Sindikubwabo Jean Nepomuscene hamwe na Senateri Mureshyankwano n’intumwa z’ubunyamabanga bukuru bw’ Umuryango FPR inkotanyi ku rwego rw’Igihugu.

Abanyamuryango b’aho avuka bahamije ko yaranzwe n’ubutwari n’umurava mu buzima bwe.

Senateri Sindikubwabo yagize ati “uyu mwana ugiye yari umunyamuryango wa FPR Inkotanyi, yumvise amahame y’Umuryango wacu abonamo icyizere cy’ubuzima buzaza, ariko siko byakomeje kuko ubwo twashimangiraga Ubumwe, Demokarasi n’Amajyambere,nibwo yasoje urugendo rwe, umuryango nimukomere.”

Yasabye umuryango wa Nyakwigendera gukomera no kwihangana, abizeza ko Umuryango wa FPR Inkotanyi uzakomeza kubaba hafi.

Ahishakiye apfuye afite imyaka 18 azize impanuka yaturutse ku muvundo wabaye kuri site ya Gisa barimo gutaha nyuma y’igikorwa cyo kwamamaza umukandida wa FPR Inkotanyi, Paul Kagame.

Yari umuturage wo mu Karere ka Rubavu mu murenge wa Nyamyumba.

LEAVE A REPLY

Please enter your comment!
Please enter your name here

Popular Articles