Perezida Joe Biden wa Leta Zunze Ubumwe z’Amerika (USA) bamusanzemo ubwandu bwa COVID-19 ubwo yari mu bikorwa byo kwiyamamaza mu mujyi wa Las Vegas.

White House yemeje aya makuru ivuga ko Biden yagaragaje ibimenyetso byoroheje bya COVID-19.

Karine Jean-Pierre ushinzwe itangazamakuru muri White House yatangaje ko Biden agomba gufata indege imujyana iwe mu rugo i Delaware akajya mu kato.

Avuga ko indi mirimo agomba gukomereza kuyikorera iwe mu rugo.