Brian Kagame usanzwe ari bucura bwa Perezida Paul Kagame na Madamu Jeannette Kagame yasoje amasomo ya gisirikare mu ishuri rya Sandhurst Military Academy mu Bwongereza.

Ni umuhango witabiriwe na Ambasaderi w’u Rwanda mu Bwongoreza, Johnston Busingye, na Madamu wa Perezida Kagame hamwe n’abavandimwe be.

Busingye yagize ati “Twishimiye, Officer Cadet Brian Kagame. Igihugu kirakwishimiye.”

Asoje akurikiye mukuru we Ian Kagame wasoje tariki 12 Kanama 2022 nka Sous-Lieutnent byabereye ku cyicaro cy’Ishuri rya gisirikari rya Sandhurst (Royal Military Academy), riherereye mu majyepfo y’Umujyi wa Londres mu gihugu cy’u Bwongereza.