Mu gihugu cy’Ubushinwa hadutse ikindi cyorezo gisa nka Koronavirusi yari imaze imyaka itanu ibonetseyo.

Amakuru agaragaza ko icyi cyorezo cyiswe Human Metapneumovirus (HMPV)  kirimo gukwirakwira cyane kandi ufashwe nacyo agira ibimenyetso nk’ibya COVID-19 birimo ibicurane.

Hari amakuru avuga ko Ubushinwa bwashyizeho ibihe bidasanzwe nubwo leta yirinze kugira icyo ibivugaho.

Reuters yo ivuga ko inzego z’Ubuzima zatangaje ko zirimo kuhangana, kuva kuwa Gatanu, n’indwara itazwi irimo kwibasira ibihaha.

Wakwibuka ko Koronavirusi yabaye umutwaro ku isi yose iturutse muri iki gihugu cy’Ubushinwa kuva mu mpera za 2019. Inzego z’Ubuzima zagaragagaje ko yakomotse ku kurya inyamaswa zo mu gasozi.

Imibare ya OMS igaragaza ko ku isi hose abantu barenga miliyoni 760 banduye COVID-19 naho miliyoni 6.9 irabahitana.

Hagati ya 2023, OMS yatangaje ko COVID-19 yarangiye itakiri ikibazo cy’ubuzima muri rusange ariko ivuga ko iyi ndwara igomba kwibutswa igihe cyose kuko virusi nshya zishobora kuvuka zifite ingaruka mbi.