Date:

Share:

Rubavu: Yasanzwe muri ruhurura yapfuye

Related Articles

Umuturage wo mu Karere ka Rubavu wakoraga akazi ko kudoda inkweto ahazwi nko ku mupaka muto wa Petite Barriere uhuza U Rwanda na DRC yasanzwe muri Ruhurura yapfuye kuri uyu wa Kabiri tariki ya 13 Nzeri 2022.

Ni urupfu rutari kuvugwaho rumwe n’abaturage.

Abakorera hafi yaho uyu mugabo yaguye bavuga ko inkuru ivuga ko uyu Musabiyumugisha Jumapili yitabye Imana baje mu Kazi bagasanga yaguyemo.

Bakomeza abavuga ko atari inshuo ya mbere haguyemo umuntu kuko no mu minsi yashize nabwo haguyemo undi muntu mu buryo butasobanutse.

Umwe ati “Ashobora kuba yanyereye akagwa hasi muri ruhurura akaza gusangwamo yapfuye. Amaze imyaka myinshi akora akazi ko kudoda inkweto hano ku mupaka hari hantu arahaze ndetse yajyaga avuga ko atahanyura hanyura abagiye kwiyahura gusa, ntabwo urupfu rwe rwumvikana turabona bamwishe bakajugunyamo Umurambo turasaba ubuyobozi gushishoza.”

Ubuyobozi bw’akarere ka Rubavu buvuga ko butari bwakamenye Iyi nkuru ariko ko bagiye gukurikirana icyateye urupfu nkuko umuyobozi w’Akarere Bwana Kambogo Ildephonse yatangaje.

Ati “Ntabwo twari twakamenye iby’urwo rupfu ariko tugiye kuhagera tumenye icyabiteye ikindi twumva kigiye gukorwa ni ugusana abo dufitanye amasezerano kwihutisha kubaka iriya ruhurura kugira turengere ubuzima bw’abaturage.”

Ni ruhurura iri ku mupaka muto iri kubakwa na Sosiyete ya NPD.

Ubuyobozi bw’akarere ka Rubavu Buvuga ko izajya iyobora mu kiyaga cya Kivu amazi aturutse mu bice bitandukanye burimo Mbugangari ubusanzwe amazi yayo yakundaga gusenyera abantu bo mu Rwanda no muri DRC I Goma.

LEAVE A REPLY

Please enter your comment!
Please enter your name here

Popular Articles