Polisi yo muri Leta ya Kansas muri Leta Zunze Ubumwe za Amerika yatangaje urupfu rw’umugabo wasanzwe mu ikamyo yarashwe n’imbwa yari iri mu ntebe z’inyuma.

Polisi ivuga ko hari urujijo ku rupfu rw’uyu mugabo kuko yasanzwe mu kamyo yicaye mu mwanya w’abagenzi yarashwe.

Impamvu bavuga ko harimo urujijo ni uko hatamenyekanye uwahamagaye inzego z’ubutabazi.

Kugeza ubu haracyekwa ko bishoboka kuba aho imbwa yari yicaye ariho hari imbunda ikaba yarayikozeho iyikinisha bigatuma irasa uyu mugabo, bigaragara ko yarashwe aturutswe inyuma.

Polisi yatangaje ko ikomeje iri perereza kuri iyi mbwa na nyiri kamyo. Birakekwa ko uyu mugabo n’imbwa ye bari bagiye guhiga.