Inzego z’ubuzima muri Uganda zatangaje ko Perezida Yoweri Kaguta Museveni yanduye COVID-19.

Umunyamabanga uhoraho muri Minisiteri y’Ubuzima ya Uganda,Diane Atwine,  niwe wahamije ya makuru.

Yagize ati “Uyu munsi Perezida yapimwe asangwamo COVID-19 nyuma yaho yari yagaragaje ibimenyetso birimo ibicurane. Arakomeza inshingano ze z’akazi nkuko bisanzwe anitabwaho.”

Mbere yo gusangwamo COVID-19, Perezida Museveni yari yatangaje ko ashobora kuba yaranduye we ubwe asaba ko yapimwa.

Yari yagize ati “Ndakeka ko naba naranduye Corona, niyo mpamvu mubona naje mu modoka zitandukaye.”

Ni inkuru ikomeje gucicikana nyuma yaho Ishami Rishinzwe Ubuzima ku isi (WHO) ryamaze gutangaza ko COVID-19 itakiri ikibazo gihangayikije isi.