Date:

Share:

Ibintu 3 by’ingenzi Meya Mulindwa yijeje abanya Rubavu

Related Articles

Mulindwa Prosper watorewe kuba umuyobozi mushya w’akarere ka Rubavu yijeje abaturage kubayobora neza bakishima.

Ibi yabigarutseho kuri uyu wa Kane tariki ya 7 Ukuboza 2023 mu migabo n’imigambi ye yagaragaje ubwo yiyamamarizaga gutorerwa uyu mwanya yegukanye asimbuye Ildephonse Kambogo.

Mulindwa yari umuyobozi w’agateganyo w’akarere ka Rutsiro mu gihe cy’amezi atanu ashize.

Mu migabo n’imigambi ye, Mulindwa yakomoje ku guha abaturage serivisi inoze, kubayobora neza iterambere ryabo rikazamuka bakishima ndetse no guhindura umujyi wa Rubavu.

Yagize ati “Abo nkuriye [abaturage] nzabayobora neza bishime kandi babone serivisi nziza inogeye umuturage, izamuke nkuko byari bimeze [kandi] ikomeze kuzamuka.”

Meya Mulindwa yijeje abanya Rubavu
Meya Mulindwa Prosper watorewe kuyobora Rubavu

Avuga ku mujyi wa Rubavu ubarizwa mu yunganira uwa Kigali, Meya Mulindwa yiyemeje gukora ibishoboka byose maze ibyawuteganyijwemo bibura bigashyirwaho ku buryo uba umujyi wishimirwa n’abawutuye.

Ati “Ibibura mu mujyi wa Rubavu byateganyijwe nzaharanira ko bigeramo, ube umujyi mwese mwishimira.”

Mu bindi Mulindwa yagarutseho nuko avugisha ukuri kandi yanga akarengane n’ubujura.

Yagize ati “Muri iyo nzira yose nanyuzemo, nagiye ngerageza kuba umunyakuri, ndwanya akarengane n’ubujura. Navuga ko mutazicuza kuba mwarantoye.”

Yabaye umuyobozi wa Rubavu nyuma y’inshingano yari afite muri Minisiteri y’ubutegetsi bw’igihugu nk’umuyobozi mukuru ushinzwe igenamigambi.

Rubavu: ‘Public Beach’ igiye kwagurwa

LEAVE A REPLY

Please enter your comment!
Please enter your name here

Popular Articles