Date:

Share:

Tito Rutaremara: M23 ni abanyarwanda nyine!

Related Articles

Tito Rutaremara uyobora Urwego Ngishwanama rw’Inararibonye z’u Rwanda avuga ko M23 ari Abanyarwanda ariko badafite ubwenegihugu bw’u Rwanda.

Ibi uyu Mujyanama wa Perezida Paul Kagame akaba kandi n’inararibonye mu bya politike yabigarutseho mu kiganiro na The Choice gitambuka ku Isibo TV aho yasobanuraga umuzi w’ibibazo by’u Rwanda na Republulika ya Demokarasi ya Congo (RDC) n’umubano w’u Rwanda n’Uburundi.

Abajijwe ku magambo Perezida Felix Tshisekedi aherutse kutangaza ko afite imbunda ikomeye yarasa i Kigali, Tito yavuze ko aramutse arashe mu Rwanda yaba arenganyije abenegihugu kuko atari bo barimo kurwana nawe.

Yagize ati “Ubundi se arashe hano [Kigali] kandi abo barwana bari hariya ubundi byamumarira iki? Yabanje akarasa ba Makenga nibura bahungira mu Rwanda akaba aribwo arasa Kigali. Aho kubanza yarasa abanyarwanda abarenganya, yarashe abamurwanya, M23, ko abazi.”

Tito Rutaremera: Tshisekedi mu mayira abiri yo ‘gufata Kigali akica Kagame’

Tito Rutaremara abajijwe ku kuba Perezida Tshisekedi avuga ko M23 ari Abanyarwanda barimo kurwana nawe, Tito yasubije ati “yabarashe aho bari. Kuki ashaka kubarasa aho batari, yarashe aho bari ko ari bo barwana, arabazi arahareba. Niba afite iyo mbunda ya kabuhariwe  nayiraseyo.”

Igitera gitera

Tito yakomeje avuga ko “Congo ifite igice cy’Abanyarwanda, igice cy’u Rwanda [ariko] Ababiligi n’Abadage bambuye Rwanda cyera mu gihe cy’ubukoroni kiba Congo,  bariya [M23] niho bari, ntabwo ari Abanyarwanda.”

Ati “ni abanyarwanda kuko duhuje ururimi  n’umuco  ariko ntiduhuje ubwenegihugu. Niba ashaka igitera gitera, nagarure impunzi, nareke Abanyarwanda b’abanye Congo babe Abanyarwanda iwabo.”

“M23 ni Abanyarwanda nyine, ariko Abanyarwanda b’abanye Congo. Ntabwo ari Abanyarwanda b’i Rwanda.”

Akomeza asobanura ko mu moko y’abakongomani hari abo bita Abanyarwanda nkuko na none muri Uganda hari abo bita Abanyarwanda nk’ubwoko buri mu batuye Uganda. Urugero atanga n’igice cya Kisoro.

Ati “Buriya muri Uganda, za Bufumbira ni Abanyarwanda, na hariya muri Congo ni uko bimeze. Ni agace kavuye ku Rwanda gahabwa Congo.  No muri Uganda hari Abanyarwanda bageze kuri miliyoni esheshatu.”

Rutaremara: Twagiramungu ntabwo yari umwanzi

Inama Tito abona Perezida Felix yakurikiza ijyanye na politike ni ugushyira mu bikorwa ibyo yavuganye na M23, ibyo Kabila yavuganye na M23 we yiyibagiza akabyirengagiza.

Tito yari aherutse gutangaza ku rubuga rwe rwa Twitter yahindutse X ko “Felix Tshisekedi ubu ari muri ‘dilemma’ [mu gihirahiro] atazi niba azakomeza kurwanya u Rwanda (na M23 yaramunaniye) agafata Kigali-akica Perezida Kagame nkuko abiririmba hirya no hino.”

Rutaremara ashima abayobozi b’u Rwanda ko ari abahanga ashingiye ku kuba birinda guterana amagambo na Congo.

LEAVE A REPLY

Please enter your comment!
Please enter your name here

Popular Articles