Date:

Share:

Ikipe ya Etincelles yaciwe amande arenga miliyoni 8

Related Articles

Ikipe ya Etincelles yaciwe amande n’ishyirahamwe ry’umupira w’amaguru ku isi (FIFA) ryategetse ko yishyura amadorali ibihumbi birindwi ( $7000) izira kutubahiriza amasezerano y’umukinnyi Jerome Iniesta.

Uru rwego ruyobora umupira w’amaguru ku isi (FIFA) rwasabye Etincelles FC kwishyura umukinnyi ukomoka muri Ghana miliyoni umunane n’ibihumbi 850 000 kubera kutubahiriza ibikubiye mu masezerano bagiranye.

Iniesta w’imyaka 22 yinjiye muri Etincelles muri Mutarama 2023 ku masezerano y’imyaka ibiri nyuma yo gutsinda igeragezwa muri iyi kipe y’Akarere ka Rubavu.

The New Times itangaza ko
ibyari mu masezerano bitubahirijwe ahubwo Umutoza mukuru wa Etincelles, Radjab Bizumuremyi, yahagaritse Iniesta mu ikipe muri shampiyona ya 2023/24 nyuma yo kumubwira ko atari muri gahunda ye.

Abinyujije ku mwunganizi we mu mategeko, uyu mukinnyi yaregeye FIFA asaba kurenganurwa.

Tariki ya 8 Mutarama 2024 nibwo Etincelles yasabwe kwishyura miliyoni hafi icyenda z’amafaranga y’u Rwanda kandi kutayishyura bikaba bishobora kuyishyira mu byago byo kumanuka muri cyiciro cya kabiri.

LEAVE A REPLY

Please enter your comment!
Please enter your name here

Popular Articles