Date:

Share:

Kagame yasubije ibivugwa ku rupfu rwa John Ntwali

Related Articles

Perezida Paul Kagame yatangaje ko abanyamakuru bibumbiye muri ‘Rwanda Classified’ nta perereza bakoze ku rupfu rwa John Williams Ntwali witabye Imana azize impanuka ya moto.

Ibi Perezida Kagame yabitangarije mu kiganiro yagiranye n’umunyamakuru Marc Pelerman wa Televiziyo ya France 24.

Muri iki kiganiro Pelerman yabajije Perezida Kagame ati “Hari ibinyamakuru biherutse kwishyira hamwe bisohora inkuru ziswe ‘Rwanda Classified’ zishinja u Rwanda kugirira nabi abanyamakuru n’abatavuga rumwe na Leta harimo inkuru icumbuye yakozwe kuri John Ntwali  wapfuye muri Mutarama 2023” bemeza ko atishwe n’impanuka ya moto.

Kagame ati “hehe, mu Rwanda?”

Umunyamakuru Pelerman yakomeje avuga ko inkuru zivuga ko yishwe kubera inkuru, akazi n’umwuga we wo kwibanda ku nkuru zicukumbuye, bikavugwa ko ari byo yazize.

John Williams Ntwali
Nyakwigendera John Williams Ntwali

Perezida Kagame yamusubije avuga ko “Ibyo bakoze si ugushaka kugaragaza ukuri kuko nta perereza na mba bigeze bakora. Icyakora bigaragaza aho bakomoka. Buri gihe ni ukwiyenza, ubwirasi. N’ubu twicaye nk’aha, uzasanga umunyamakuru muri ibyo bihugu yishimiye kungaragaza nabi, antuka hanyuma akitwa intwari. Hano turi kuvuga ibijyanye n’itangazamakuru, politike, ibijyanye n’ibimenyetso n’ibihamya.”

Tariki ya 23 Mutarama 2023 nibwo Polisi y’u Rwanda yatangaje ko umunyamakuru John Williams Ntwali yapfuye aguye mu mpanuka ya moto nkuko The New Times yabitangaje.

Umuvugizi wa Polisi ishami ryo mu muhanda, SSP René Irere, yabwiye iki kinyamakuru ko iyi mpanuka yabaye tariki ya 18 Mutarama 2023 mu rukerera saa 02:50 mu karere ka Kicukiro.

Ni impanuka yavuze ko yatewe n’umuduko ukabije hagati ya moto yari itwaye  John Williams n’imodoka yabagonze.

Twiteguye kurwana na DR Congo- Kagame

LEAVE A REPLY

Please enter your comment!
Please enter your name here

Popular Articles