Umuyobozi w’ishyaka ritavuga rumwe na leta (NUP), Robert Kyagulanyi, uzwi cyane mu muziki nka Bobi Wine yarashwe ari mu mvururu na polisi ya Uganda.

Ibi byabaye kuri uyu wa 3 Nzeri 2024 nyuma yo guterana amagambo n’abapolisi mu gace ka Bulindo mu Karere ka Wakiso.

Amakuru agaragara kuri X (Twitter) ya NUP avuga ko Bobi yarashwe mu kaguru maze agahita yihutishirizwa mu bitaro ngo yitabweho n’abaganga.

X ivuga iti “Perezida wacu yarashwe mu kaguru n’abapolisi i Bulindo! Yajyanywe mu bitaro kugira ngo yitabweho byihutirwa. Tuzakomeza kugeza amakuru ku kibazo cye.”

Bobi Wine afatwa nk’umwe mu bahanganye bikomeye na Perezida Yoweri Museveni uri ku butegetsi kuva mu 1986.