Miss Muheto Divine yahanishijwe igihano cy’igifungo cy’amezi atatu gisubitse mu gihe cy’umwaka umwe n’ihazabu y’ibihumbi 190 by’amafaranga y’u Rwanda nyuma y’uko Urukiko rw’Ibanze rwa Kicukiro rumuhamije ibyaha yari akurikiranyweho birimo gutwara ikinyabiziga yanyoye ibisindisha no gutwara ikinyabiziga nta ruhushya rwo gutwara afite.

Muheto kandi yagizwe umwere ku cyaha yaregwaga cyo guhunga aho yari amaze gukora impanuka.

Tariki ya 31 Ukwakira 2024 nibwo Miss Muheto Divine yagejejwe mu Rukiko rw’Ibanze rwa Kicukiro ahagarariwe n’abanyamategeko batatu aburana yemera ibyaha byose aregwa, yemera ko yagonze (umukindo n’ipoto) ariko ko atigeze ahunga.