Mu gihugu cy’Ubushinwa bongeye kwibasirwa n’ubwandu bwa COVID-19 aho imibare yongeye kuzamuka cyane.

Inzego z’ubuzima muri iki gihugu zigaragaza ko ejo ku wa Gatatu hagaragaye abantu ibihumbi 31 by’abanduye ariko igitangaje bamwe nta bimenyetso bagaragazaga.

Ni umubare uteye inkeke kuko imibare iri hejuru yaherukaga muri Mata 2022 aho abanduye barengaga ibihumbi 29.

Imijyi ya Guangzhou n’umurwa mukuru wa Beijing niyo ubwandu bwatumbagiye cyane ugereranyije no mu bindi bice by’Ubushinwa.

Ahantu hahurira abantu benshi harimo inzu ndangamurage hafunzwe ndetse amwe mu mashuri ahitamo gukoresha ikoranabuhanga naho ibice bimwe na bimwe bishyirwa muri ‘guma mu rugo’.

Kuva muri wikendi ishize, abantu batandatu nibo bamaze gupfa bishwe na COVID-19 kuva muri Gicurasi ubwo ingamba zongera gukazwa.

Muri rusange ku isi ubwandu bwaragabanyutse ku gipimo kiri hejuru ahanini bitewe no gufata urukiko rwa COVID-19.

No mu Rwanda COVID-19 yatanze agahenge, ibikorwa bitandukanye byongera gufungura ndetse abantu basubira mu buzima nkuko bahozeho mbere.