Date:

Share:

Perezida Kagame yasabye KNC kuryama agatuza

Related Articles

Perezida Paul Kagame yavuze u Rwanda rwiteguye kera umwanzi wose waturuka mu gihugu cy’abaturanyi cya Congo asaba abanyarwanda barimo na KNC gushyira umutima mu gitereko.

Ibi Perezida Kagame yabigarutseho mu kiganiro n’itangazamakuru cyabaye ejo hashize aho uyu munyamakuru akaba na nyiri Radio na TV 1 yamubajije ku makuru avuga ko Repubulika Iharanira Demokarasi ya Congo yigamba ko ishaka gutera u Rwanda.

Umunyamakuru Kakooza Nkuliza Charles uzwi cyane nka KNC yagize ati “twese turahangayitse nk’abanyarwanda kandi na Perezida wa Congo ubwe yivugiye ko ari wowe kibazo cy’umutekano muri Afurika nkabona nubwo ubibafata nk’imikino bishobora kuba ari ukuri. Ese twitegure ko tugiye guterwa na Congo kuko bavuze ko bashaka kutwomeka iwabo tukaba intara ya munane?”

Perezida Kagame mu kumusubiza yagaragaje ko nta gikuba cyacitse u Rwanda rwiteguye umwanzi wose washaka kubuza abanyarwanda umutekano.

Yagize ati “Reka mpere kukubahumuriza [ariko] ibyo ubwabyo ntaho mbona bishingiye, ntaho mbona bishoboka. Rero nushake uryame usinzire, wicure, wiyongere. Ibyo ntabwo ari ikibazo. Ibyo umuntu umwe yaba yaravuze muri Congo afite uburenganira bwo kuvuga ibyo ashaka. Ntabwo ibivugwa byose aba ari ukuri cyane cyane iyo bivugwa kuri iki kibazo cya Congo kivugwa n’Abanyekongo bo muri Leta.”

Perezida yakomeje agira ati “Icyo nakubwira nuko  iyo udashaka intambara urayitegura, iyo ushaka amahoro utegura intambara rero ubwo  twe dushaka amahoro, ibyo kwitegura twiteguye cyera.”

Kugeza ubu umubano w’ibihugu byombi ukomeje kubamo agatotsi nta cyizere ko ikibazo cyarangira vuba cyane kuko Congo nta bushake igaragaza na mba mu kurangiza ibibazo biri hagati y’impande zombi.

U Rwanda rwahaye RDC gasopo

LEAVE A REPLY

Please enter your comment!
Please enter your name here

Popular Articles