Date:

Share:

RDF yemeje ko yiteguye intambara Tshisekedi ahora yigamba

Related Articles

Umuvugizi w’Ingabo z’u Rwanda Brig Gen Ronald Rwivanga yemeje ko RDF yiteguye  intambara Perezida Félix Tshisekedi wa Repubulika Iharanira Demokarasi ya Congo ahora yigamba.

Ibi Brig Gen Rwivanga yabitangaje mu kiganiro na The New Times cyitwa  The Long Form gikorwa na Sanny Ntayombya.

Abajijwe uko byagenda igihe Tshisekedi yatangiza intambara ku Rwanda, Brig Gen Rwivanga, yavuze ko ingabo z’u Rwanda zihora ziteguye, nta gishyashya.

Yagize ati “Ndasubirisha ikibazo cya politiki igisubizo cya gisirikare. Turiteguye. Kandi n’ubusanzwe duhora twiteguye. Nta gishya ku kwitegura kwacu.”

Umuvugizi w’Ingabo z’u Rwanda Brig Gen Ronald Rwivanga

Mu minsi inshize nibwo Tshisekedi yigambye avuga ko agiye gusaba inteko ishinga amategeko ko yamuha uruhushya agatangiza intambara ku Rwanda.

Yagize ati “Ngiye gusaba inteko ishinga amategeko impe ububasha bwo gushora intambara ku Rwanda. Mubwire Kagame ko njye ntameze nk’abandi ba Perezida bayoboye RDC yakundaga gukina nabo.”

Yakomeje agira ati “Congo ifite impinduka, ubushotoranyi nzahangana nabwo.”

Kugeza ubu u Rwanda na Congo ntabwo umubano umeze neza ariko hari hashize iminsi leta ya Amerika itangaje ko hashyizweho amasaha 72 y’agahenge mu burasirazuba bwa Repubulika Iharanira Demokarasi ya Congo (RDC) ngo imirwano ibe ihagaze.

Ni itangazo ryasohotse tariki ya 11 Ukuboza 2023 rivuga ko uku guhagarika imirwano byasabwe na Leta Zunze Ubumwe z’Amerika ariko u Rwanda na Congo bagashyigikira ubu busabe.

Byabaye nyuma yaho tariki ya 19 na 20 Ugushyingo 2023, Avril Haines, uyobora ubutasi bwa Amerika yagiriye uruzinduko muri ibi bihugu byombi agahura na Felix Tshisekedi wa Congo ndetse akambuka no mu Rwanda akabonana na Perezida Kagame Paul.

Leta ya Amerika kandi yavuze ko ikomeje gufasha amasezerano ya Nairobi na Luanda ko ashyirwa mu bikorwa mu rwego rwo gukemura iki ibazo kimaze imyaka mu burasirazuba bwa Congo.

U Rwanda rwahaye RDC gasopo

Leta ya Congo si rimwe yakunze kuvogera no gushotora u Rwanda aho indege z’intambara za RDC zagaragaye mu Karere ka Rubavu mu Burengerazuba.

Ni ubushotoranyi leta ya Congo yongeye nyuma y’ibindi bikorwa bitandukanye byabaye birimo no kuvogera imbibi z’u Rwanda, abasirikari bakinjira barasa mu Rwanda.

Perezida Kagame yemeje ko u Rwanda atari insina ngufi

LEAVE A REPLY

Please enter your comment!
Please enter your name here

Popular Articles