Date:

Share:

Perezida Tshisekedi yahinduye umuvuno wo gutera u Rwanda

Related Articles

Perezida Tshisekedi Felix yemeje ko kuba atarashoza intambara ku Rwanda nkuko yabivuze yiyamamaza atari uko atabishoboye ahubwo agamije gushaka inzira zizana amahoro arambye.

Ibi yabigarutseho mu kiganiro n’Itangazamakuru ku mugoroba wo kuri uyu wa Kane tariki ya 22 Gashyantare 2024 ahagana saa Mbili z’ijoro.

Perezida Tshisekedi yabajijwe ku magambo yavuze yo gutera u Rwanda ubwo yiyamamazaga akumvikana avuga ko natorwa azakoranya Inteko Ishinga Amategeko, akayisaba uburenganzira kugira ngo atere u Rwanda.

Perezida Felix Tshisekedi agiye gushoza intambara ku Rwanda

Yagize ati  “Uko ibintu bihagaze ubu, nababwira ko nkurikirana ibiri kuba, ntabwo binyemerera gushyira mu bikorwa ibyo navuze, atari uko ntabishoboye cyangwa se ntabishaka, ahubwo kuko gusa hari gahunda zerekana ko gukurikira inzira y’amahoro ari imyitwarire irimo ubushishozi n’ubwenge kurusha kujya mu ntambara.”

“Ubu urugero hari gahunda y’ubuhuza ya Perezida João Lourenço, nanababwira ko ku wa Kabiri utaha nzaba uwa mbere ujya kumureba mbere y’uko anakira Perezida w’u Rwanda, hari gahunda za Perezida w’Umuryango wa Afurika y’Iburasirazuba, Salva Kiir […] hari ibikorwa birangajwe imbere na Amerika.”

Yakomeje agira ati “Ntabwo iteka izo ngufu ziba zishyirwamo zigaragara ariko zifite ingufu mu buryo bumwe cyangwa ubundi. Njye icyo nshyize imbere, ni amahoro, nshaka amahoro arambye ku gihugu cyanjye n’abaturage banjye. Ku bw’ibyo, nshobora kwirengagiza ibindimo kuko nshaka guha amahirwe amahoro.”

Yavuze ko biramutse bibaye ngombwa ko hitabazwa intambara kugira ngo amahoro aboneke, yiteguye urwo rugamba n’ejo.

Ati “Ibyo nta kibazo.”

“Ntimugatinye ibitumbaraye”-Kagame avuga ku bigamba gutera u Rwanda

LEAVE A REPLY

Please enter your comment!
Please enter your name here

Popular Articles