Date:

Share:

Kubona abana bagwingiye bidutera isoni-Dushimimana

Related Articles

Guverineri Lambert Dushimimana w’Intara y’Iburengerazuba avuga ko biteye isoni kuba  hakigaragara ikibazo cy’igwingira mu ntara ifite ubukungu n’amahirwe menshi y’iterambere.

Ibi aherutse kubitangariza abanyamakuru nyuma y’inama yahuje uturere uko ari turindwi yiga ku iterambere ry’iyi ntara mu gihe cy’imyaka itanu, 2024-2029.

Inama yahuje yiga ku iterambere ry'intara mu gihe cy'imyaka itanu
Inama yigaga ku iterambere ry’intara mu gihe cy’imyaka itanu

Abajijwe n’abanyamakuru ku bijyanye na gahunda zihari ku kurandura igwingira, Dushimimana, yavuze ko hari imishinga myinshi irimo gukorwa ku bufatanye  n’abafatanyabikorwa kandi imibare igaragaza ko igwingira ririmo kugabanyuka.

Yagize ati “Turimo guhangana n’igwingira  ndetse mu turere dutandukanye hari imishinga myinshi bagiye batangira irimo ‘Umuganda Professional’ ugamije kurwanya igwingira mu karere ka Rutsiro. Hari imishinga itandukanye irimo kuduterera ibiti by’imbuto, ibyo byose n’ibiri gukorwa kugira ngo turwanye igwingira. Icyiza nuko turi kubona riri kugabanyuka.”

Dushimimana atanga urugero mu Karere ka Rusizi aho imibare yagabanyutse ikagera kuri 19,1 kandi no mu tundi turere hari gushyirwamo imbaraga.

“[Igwingira] riracyari hejuru ariko turabona ko rigenda rigabanyuka mu bushakashatsi burimo gukorwa, biratwereka ko turimo tugenda tujya mu mibare myiza. Nakubwira nka Rusizi baragabanyutse cyane bageze kuri 19 n’igie kimwe.”

Yakomeje agira ati “Urumva rero n’ahandi turagenda  hose dushyiramo imbaraga kugira ngo turwanye icyo kintu cy’igwingira kuko kiduteye isoni  nk’Intara y’Iburengerazuba, intara ifite ubukungu, ifite amahirwe menshi cyane kubonamo abana bagwingiye, bidutera isoni, nta shema biduha.”

Ba Meya b'Uturere tw'Intara y'Iburengerazuba
Ba Meya b’uturere tw’Intara y’Iburengerazuba
Inama yigaga ku iterambere ry'Intara y'Iburengerazuba
Inama yigaga ku iterambere ry’Intara y’Iburengerazuba

LEAVE A REPLY

Please enter your comment!
Please enter your name here

Popular Articles