Kaminuza ya Maryland Medical Center ivuga ko hafi 80 ku ijana by’abantu bakuze muri Leta Zunze Ubumwe z’Amerika bajya kwa muganga kubera kuribwa umugongo cyangwa bagiye kwivuza umugongo.
Ku rundi ruhande iyi kaminuza ivuga ko hari impinduka wakora kuri ubu burwayi mu gihe uhinduye amafunguro ufata n’imirire yawe muri rusange.
Ibi ni bimwe mu biribwa warya bikagufasha guhangana n’ikibazo cy’umugongo:
Amafi
Amafi yo mu bwoko bwa salmon, sardines ubusanzwe agira intungamubiri zirimo omega-3 fatty acids. Iyi omega irinda uburibwe mu mubiri nkuko ubushakashatsi bwakozwe na Kaminuza ya Pittsburgh bubigaragaza.
Inkeri
Inkeri zivugwa hano ni izibara ry’ubururu n’umukara. Izi zose zifite ubushobozi bwo kurwanya indwara y’umugongo.
Inanasi
Inanasi izwiho kurwanya uburibwe nayo igira ‘bromelain’ igabanya kuribwa k’umubiri gusa si byiza kuyifata uri kunywa imiti imwe n’imwe irimo ‘antibiotics’ kuko ishobora gutera ibyago byo kuvirirana.
Ibindi biribwa bivugwa:
- Inyanya
- Urusenda
- Intogi
