Ishimwe Vestine uririmbana na murumuna we Kamikazi Dorcas mu muziki wo kuramya no guhimbaza Imana, yasezeranye imbere y’amategeko n’umukunzi we Ouedraoso Idrissa wo mu gihugu cya Burukinafaso.

Uyu muhango wabereye mu Murenge wa Kinyinya mu Karere ka Gasabo ndetse nta muntu wari wemerewe gufata amashusho nk’uko ari itegeko ryatanzwe n’abareberera inyungu z’aba bakobwa muri muzika.

Aba bombi ni abavandimwe babiri bavuka mu Karere ka Musanze, biyemeje kuririmbira Imana kuva mu myaka y’ubuto bwabo.