Mu Karere ka Nyanza haraye habereye impanuka y’imodoka y’umumotari wagonze imodoka ya Visi Meya w’Akarere ka Huye ushinzwe Ubukungu n’Iterambere agahita yitaba Imana.

Polisi ikorera muri aka gace ivuga ko nyakwigendera yirukaga cyane.

Iyi modoka yagonganye na moto iri mu bwoko bwa Victor ifite ibirango BD680N itwawe na Bizimana Theoneste wavaga ku Bigega yerekeza muri gare ya Nyanza.

Amakuru avuga ko uwari utwaye moto yagonganye n’imodoka iri mu bwoko bwa Toyota Hilux ifite ibirango RAD606W itwawe na Visi Meya Kamana Andre.

Uyu muyobozi we yavaga mu muhanda wa gare ya Nyanza yerekeza ku Bigega.