Sgt Minani Gervais yashyikirijwe Urukiko rwa Gisirikare uyu munsi aregwa ibyaha byo kwica abasivili batanu mu karere ka Nyamasheke ku itariki ya 13 Ugushyingo 2024.

Yasomewe ibyaha aregwa birimo icyaha cy’ubwicanyi ku bushake, kwica bidategetswe n’umukuru no guhisha no kuzimiza intwaro ku bushake.

Yafashwe nyuma yo gukora icyaha ku bufatanye n’abaturage aho ubu aburanishirizwa mu ruhame ahari imiryango yagiriye nabi n’abaturage b’aho icyaha cyakorewe.

Mu gihe cy’urubanza, abamwunganira bagaragaje impungenge z’ubuzima bwe, ariko abaganga bavuze ko ameze neza, bituma abacamanza bavuga ko ari uburyo bwo gutinza urubanza.

Ubushinjacyaha bwamusabiye igihano cyo gufungwa ubuzima bwose ku cyaha cyo kwica, imyaka itanu ku cyaha cyo kwiba no kwangiza ibikoresho bya gisirikare, n’umwaka umwe ku cyaha cyo gukoresha imbunda mu buryo butemewe.

Urukiko rwategetse ko urubanza ruzasomwa ku itariki ya 9 Ukuboza 2024, saa munani z’amanywa.