Perezida wa Repubulika Iharanira Demokarasi ya Kongo Felix Tshisekedi azahura na Perezida w’u Rwanda Paul Kagame muri Leta Zunze Ubumwe za Amerika mu cyumweru gitaha gusinya amasezerano y’amahoro nk’uko byatangajwe na Guverinoma ya Kongo.
Ni inama iteganijwe tariki ya 4 Ukuboza 2025 igamije gusinya amasezerano y’amahoro yashyizweho umukono na Amerika muri Kamena, azasoza amezi y’ibikorwa bya dipolomasi biyobowe na Perezida wa Amerika Donald Trump.
Abayobozi ba Kongo n’u Rwanda biteganijwe ko bezemeza amasezerano ya nyuma hamwe n’ajyanye n’ibyubukungu yaganiriweho mu ntangiriro z’uku kwezi nk’uko bivugwa na Tina Salama, umuvugizi wa Tshisekedi.
Salama avugaga ko “Perezida yahoze yifuza kwishyira hamwe mu karere, ariko kubaha ubusugire ntibishobora kuganirwaho kandi ni ngombwa kugira ngo akarere gahuzwe.”
Kwemeza kwa Tshisekedi ko amasezerano yo kuwa 4 Ukuboza aje nyuma y’umunsi umwe Perezida Kagame atangaje ko amahoro arambye mu burasirazuba bwa Kongo azasaba ubwitange nyakuri ku mpande zombi.
Yabwiye abanyamakuru ati “Zimwe muri izi nzira ntizizagenda neza, atari ukubera ko tuzahurira i Washington cyangwa Leta Zunze Ubumwe za Amerika zikomeye, ahubwo kugeza igihe abo bantu bireba biyemeje kugera ku musaruro uhagije.”
Uburasirazuba bwa Kongo bumaze imyaka myinshi mu ntambara hagati y’ingabo za leta n’imitwe irenga 100 yitwaje intwaro, cyane cyane inyeshyamba za M23.
Intambara yakomeje kwiyongera muri uyu mwaka ubwo M23 yigaruriraga imijyi minini ya Goma na Bukavu.
Mu Gushyingo, inyeshyamba za Kongo na M23 zasinye gahunda nshya y’amahoro yo kurangiza intambara yari yarashenye uburasirazuba bwayo.
Guverinoma ya Kongo yakomeje kuvuga ko amasezerano ayo ari yo yose ashingiye ku kuba u Rwanda rugomba guhagarika inkunga yarwo ku nyeshyamba za M23. U Rwanda ruhakana gushyigikira M23.
Aganira n’ikinyamakuru The Associated Press kuwa gatanu, Salama yavuze ko amasezerano y’amahoro agomba gukuraho “kuvanga cyangwa gushyira hamwe kw’abarwanyi ba M23.”
Salama yagize ati “Turimo gushaka amahoro mu rwego rwo kwishyira hamwe mu karere. Ikidashoboka kuri twe ni ukuganira ku busugire bw’ubutaka bwa DRC.”
